19.3.24

Obradoiro medidas de peso_1ºB/2º

Hoxe visitamos o Laboratorio de cociña da man do profe Iván para realizar un obradoiro de medidas de peso que estamos aprendendo na área de Matemáticas. 

Repartidos por grupos, fomos rotando polas diferentes estacións. Nunha, tiñamos que representar o peso de diversos animais cos carteis dos diferentes pesos. Noutra, medimos  obxectos e alimentos que trouxemos da casa estes días e no último, tiñamos que pesar e comparar o peso de animais de xoguete. 

Aquí vos deixamos algunha imaxe da xornada. Picade na foto para acceder á galería



12.3.24

Aniversario Lector_Alexia

Unha xornada especial a de hoxe! Por unha banda, fixemos a nosa actuación polo Día da Muller interpretando unha canción sobre a biografía de Isabel Zendal na biblioteca. Saíunos xenial!
Por outra, Alexia está de aniversario e recibiu na aula a visita da súa mamá e da súa irmá Uxía que viñeron  contarnos un fermoso conto. 

MOITOS PARABÉNS, ALEXIA! Aperta de todxs!





 

11.3.24

Día da Muller_Entrevista fantástica a Isabel Zendal. 1ºB_2º EP

Conmemoramos o Día da Muller achegándonos á biografía da persoa que a Organización Mundial da Saúde considera a primeira enfermeira da historia en misión humanitaria internacional, encargada de levar a vacina da variola dende o porto da Coruña ata América a comezos do século XIX. Falamos de Isabel Zendal. 
Investigamos sobre a súa vida, elaboramos e gravamos unha entrevista na nosa radio ademáis de aprender unha canción que interpretaremos para todos na biblioteca un día desta semana coa axuda do profe Keko e Iván. 
Podedes escoitar a entrevista neste podcast.

Entrevista fantástica Ángeles Alvariño (1º E.P.)

 


Na clase de 1º E.P. para o día da muller traballadora, estudamos a figura de Ángeles Alvariño, a primeira muller oceanógrafa galega. Non deixedes de ver o fermoso vídeo que montou o profe Queco, onde os nenos entrevistan a figura de Ángeles Alvariño, interpretada esta polas nenas.

Excursión ao Aquarium de Coruña

 



Aquí deixamos un vídeo resumo da excursión ao Aquarium de Coruña, elaborado polo profe Queco, e se queredes ver máis fotos da xornada pinchade no seguinte enlace: excursión.

29.2.24

Clasificación de animais - TaleBot

 


Repasamos a clasificación dos animais a través dunha tarefa integrada, que consistía na búsqueda dun animal que se adecuara as características dadas, cada neno/a tiña un diferente, podías ser vertebrado e carnívoro, vivíparo e omnívoro... Unha vez atopan o animal o debuxaban nunha tarxeta que sería a que iba formar o taboleiro para o novo robot. Tedes todas as imaxes da actividade no seguinte enlace: animais.










23.2.24

Sempre Rosalía_1º e 2º

Tal día coma hoxe conmemoramos o nacemento da nosa escritora máis universal, Rosalía de Castro. Ao longo desta semana os nenos e nenas de 1ºB e 2º de Primaria achegámonos a súa biografía e a súa obra coa lectura dalgúns dos seus poemas e fixemos diversas actividades plásticas como podedes ver neste mural que colocamos na entrada da aula. 



 

21.2.24

Tale Bot_1º e 2º

Fai uns días tivemos unha visita inesperada na aula: a de TALE BOT, un robot moi simpático co que practicamos o programación robótica ao mesmo tempo que repasamos contidos aprendidos sobre as paisaxes, e máis concretamente, sobre a paisaxe malpicá. 






9.2.24


 Foto dos Nadores das illas Sisargas, todos levaban a súa medalla de participantes e o tempo estimado que eles consideraron que tardarían en facer a travesía... Podedes ver no seguinte enlace a elaboración do barco: travesía Illas sisargas.

8.2.24

Disfraces aula 1º E.P.

 Hoxe aproveitamos o disfrar para subri ao Croma e facer o noso Galicómic sobre a San Silvestre de Malpica, próximamente o publicaremos, e tamén para facer algunhas fotos divertidas:







As nosas mascotas

 



Estivemos dándolle vida as nosas mascotas, premendo no seguinte enlace veredes o ben que se moven cada unha delas:

https://docs.google.com/document/d/1H_C8pTXX39zo0THoAagQvyqtSlSsWWGLTwGDdz5b3QY/edit?usp=sharing



6.2.24

Clases de 6ºE.P. a 1º E.P.

 Este trimestre en Ciencias da Natureza comenzamos traballando os seres vivos e contamos coa axuda do alumnado de 6º E.P. para que nos impartiran diferentes clases sobre os animais. Fixeron un gran traballo os máis maiores xa que prepararon unha parte teórica e unha parte práctica, abordando:

- As funcións vitais dos seres vivos.

- Os animais vertebrados e invertebrados.

- A clasificación dos animais segundo a súa alimentación.

- Os hábitats dos animais.

- E os 5 grandes reinos dos animais vertebrados.

Podedes ver todas as fotos destas sesións premendo no seguinte enlace: Clase 6º/1º



4.2.24

CARREIRA DE CROS EN CARBALLO

 O pasado venres 26 de xaneiro os grupos de 2º, 3º e 4º de Educación Primaria, participaron na carreira de Cros que se celebrou en Carballo.

Foi unha bonita experiencia onde os nenos e nenas puxéronse a proba e desfrutaron dunha nova experiencia facendo deporte.

Esta actividade encádrase dentro do Plan Proxecta  "Proxecto de Vida Activa e Deportiva (PVDA), no cal o noso centro participa por primeira vez dende o programa XOGADE, impulsado pola Xunta de Galicia.

Parabéns a todos e todas e facemos unha mención especial a Antía C de 4º de Primaria. e Alexia V. de 2º de Primaria que lograron clasificarse para a seguinte rolda e Martín M. de 3º de Primaria como gañador da carreira da súa categoría.

Ligazóns da prensa:

https://www.lavozdegalicia.es/noticia/carballo/carballo/2024/01/27/manana-carreras/0003_202401C27C8991.htm

https://www.carballo.org/novas.php?id=9272&idioma=gl&sec=30

https://www.diariodebergantinos.com/articulo/bergantinos/carballo-pone-correr-casi-mil-jovenes-once-colegios-comarca-4696142

CLASIFICACIÓN:

https://atletismo.gal/wp-content/uploads/2024/01/RCARBALLO260124.pdf

Compartimos imaxes desta festa deportiva na que participaron preto de 1000 nenos e nenas da Comarca de Bergantiños facendo click na de abaixo:


Compartimos tamén vídeo da saída da categoría benxamín feminino que demostra a grande afluencia de participación e a dificultade da carreira:

30.1.24

Día Escolar da non violencia e a Paz

Para conmemorar o Día Escolar da non violencia e a Paz e seguindo a proposta de actividades do centro relacionados co PDI, o alumnado de 1º B e 2º de Primaria eleximos o conto Orellas de bolboreta, de Luisa Aguilar, editado por Kalandraka, para facer unha lectura activa do mesmo e crear o noso Acróstico Pacífico. 

Este conto que tanto nos gusta resalta valores tan importantes como a confianza nun mesmo, a autoestima positiva e o respecto aos demáis. A palabra extraída do conto e coa que elaboramos o noso acróstico foi QUERERNOS. 

Porque A PAZ COMEZA QUERÉNDOSE A UN MESMO!

Anteriormente, cada neno/a elaborou un acróstico partindo do seu nome e fixemos un mural na entrada da aula. 

Pica na imaxe para acceder a maís fotos da galería








Aniversario Lector_Andrea

Hoxe achegouse ao noso cole a mamá de Andrea de 2º de primaria. O día do seu aniversario é o 21 de xaneiro pero como estivo enfermiña non se celebrou antes.  Prepararon a lectura dun fermoso conto: Antes de durmir, de Giorgio Volpe. Edicións Cumio. 

Moitas grazas por participar no programa Aniversarios Lectores. Encántanos recibirvos. 

Moitos parabéns ANDREA!